السبت، 17 يوليو، 2010

دعبسات


نفسي أدعبس جوا نفسي واغسل كل شيء بداخلي
نفسي ادعبس عن حاجات حلوة كانت راسخة فيا من زمان، كنت حضناها بقلبي، كنت حفظاها في عقلي.
نفسي ادعبس عن حلمي اللى كنت بحلمه بإصرار وعن قراري اللى كنت باخده بإقتدار بعد اعتمادى على الجبار
نفسي ادعبس عالحنان نفسي ادعبس عالأمان نفسي آلاقي بحور إيمان.
نفسي ادعبس عالصفا نفسي ادعبس عالوفا نفسي آلاقي قلوب تساندني وقت الجفا
نفسي ادعبس عن طفولتي نفسي ادعبس عن براءتي
نفسي ادعبس عالسكون
نفسي ادعبس عالقناعة نفسي أكتّر في العبادة، نفسي ارجع تاني زي زمان
نفسي ادعبس عالبساطة نفسي ارجع طفلة ما تعرفش غير السعادة
نفسي ادعبس عابتسامتي اللى كانت طالعة من جوا قلبي
نفسي ادعبس عالحماس نفسي ادعبس عالاحساس نفسي آلاقي قلب مبنى بأساس
نفسي ادعبس عن مبادئ أصبحت متبعثرة هنا وهناك
نفسي آلاقي قلب صامد دون اهتزاز
نفسي ادعبس عن قلبي اللى كان عمران بالعطاء، نفسي ارجع احضنه من تاني بضلوعي
نفسي ادعبس عالإرادة اللى بيها كنت أقدر أعبر أى غارة
نفسي ادعبس عاليقين
نفسي ادعبس على طيبة أيام زمان طيبة صادقة مافيهاش مجاملة ولا حتى اصطناع
نفسي ادعبس عن نفسي جوا نفسي، نفسي آلاقيها لسه زي ما هيّا حرة وأبية لا غلبها شيطان ولا أسرتها دنيا
نفسي ادعبس عن نفسي جوا نفسي، نفسي ألاقيها صافية طاهرة زي ما خلقها ربي
نفسي ادعبس عالثقة نفسي ادعبس عالرضا
نفسي ادعبس عالإرادة، نفسي ادعبس عالعزيمة نفسي ادعبس عالطموح اللى بيه كنت طايرة في سماء النجاح
نفسي ادعبس عن غايتى اللى كانت محفورة في وجداني
نفسي ادعبس عالشجاعة، نفسي ادعبس عالحرية، نفسي آلاقي عزيمة حديدية مهما مر عليها الوقت مش ممكن تنام
نفسي ادعبس عالمهارة، نفسي ادعبس عالبراعة، نفسي ادعبس عالنجاح
نفسي ادعبس عالتفاؤل، نفسي ادعبس عالبشاشة، نفسي آلاقي الأمل اللى عمره مافارقني لحظة واللى بيه كنت بخرج من كل أزمة
نفسي ادعبس عالتشجيع، نفسي ادعبس عالإحتواء، نفسي ادعبس عن دعم النجاح نفسي آلاقينى من تاني
نفسي ادعبس عن عقل كان متفتح، عقل كان بيقيل أى آخر، عقل كان مايهموش المظاهر
نفسي ادعبس عالفضيلة نفسي ادعبس عالعزيمة نفسي آلاقينى زى ما كنت أيام الطفولة
نفسي ادعبس عن قلب مليان بحب الخير قلب فرحان لأى غير
نفسي ادعبس عني أنا نفسي آلاقي اللى راح مني هنا
نفسي ادعبس جوا نفسي واغسل كل شيء بداخلي

سلمى ساجدة للرحمان

هناك 14 تعليقًا:

  1. قرأت كلامك فأصبت قلبي بجد و عيني دمعت

    ساعات بنحس بالاحساس دا أننا نفسنا ندعبس

    بأشياء كثيره

    نفسنا ونفسنا ونفسنا ........

    سلمت يمناكي أميره

    ردحذف
  2. رائعه تلك الكلمات
    (والذين جاهدوا فينا لنهديهم سبلنا)
    مهما بحثتى فلسوفى تصلين الى مبتغاكى اذا
    اخلصتى
    عقدتى النيه لله وحده
    ربنا ما يجعل فتور الهمه من نصيبك
    مدونه جميله
    ادعوكى الى مدونتى المتواضعه
    واستأذنك فى اضافه مدونتك

    ردحذف
  3. الغاردينا بعد كل فترة طويله من الحياة الواحد بيحتاج يعيد تقييم نفسه وأداءة اكتسب ايه خلال رحلته وخسر ايه المؤلم جدااا لما نكتشف الخسارة
    ساعتها بنبقى زى ما قلتى بيبقى نفسنا ونفسنا ونفسنا...

    ردحذف
  4. محمود: اللهم آآآمين، اسم مدونتك جميل عجبنى جدااا باحث عن حب وليس الحب وصلتلى معنى أرقى...طبعا ليا الشرف وسعدت جدااا بتشريفك المدونة

    ردحذف
  5. سلمى
    ما أجمل دعبساتك
    وياليت الجميع يدعبس في نفسة .
    تقبلي مروري
    محمد البنا

    ردحذف
  6. دعبسى برحتك ايه اللى منعك

    ردحذف
  7. محمد البنا: جزاك الله خيرااا اسعدنى مرورك

    ردحذف
  8. العيسوى الصغير: أهلا بيك ومنور المدونة، أجمل شيء فى الوجود أن مافيش حد يقدر يمنعنا أننا ندعبس جوا نفسنا لكن احنا اللى ممكن نمنع نفسنا والحالة دى بتبقى قاتلة...ربنا يعافينا جميعا منها

    ردحذف
  9. السلام عليكم ورحمة الله وبركاته ..

    عنوان جميل لتدوينة أجمل تخالج أعماق النفس وتجعلنا نخرج لعالم أجمل ساحر .. قد يصبح حقيقة في يوم ما.

    بارك الله فيك أختي في الله

    ردحذف
  10. وعليكِ السلام ورحمة الله وبركاته
    انتِ الأجمل أختى الفاضلة من قطراتك نتعلم دمتى بحب وسلام...

    ردحذف
  11. السلام عليكم

    ربنا يكرمك وينولك كل اللي نفسك فيه

    تحياتي

    ردحذف
  12. سلمى ازيك
    انا بعتذر انى مش جاى اعلق انا جاى ادعوكى للزيارة انى طارح سؤال ومحتاج ماركتكم

    تحياتى

    ردحذف
  13. هيثم وعليك السلام ورحمة الله وبركاته
    اللهم آآآآآمين ولك بمثله جزاك الله خيرااا

    ردحذف
  14. عمرو أهلا بك دائمااا حمد لله على لاسلامة بعد طووول غياب...

    ردحذف

شاركني خاطرتك...