نفسي أدعبس جوا نفسي واغسل كل شيء بداخلي
نفسي ادعبس عن حاجات حلوة كانت راسخة فيا من زمان، كنت حضناها بقلبي، كنت حفظاها في عقلي.
نفسي ادعبس عن حلمي اللى كنت بحلمه بإصرار وعن قراري اللى كنت باخده بإقتدار بعد اعتمادى على الجبار
نفسي ادعبس عالحنان نفسي ادعبس عالأمان نفسي آلاقي بحور إيمان.
نفسي ادعبس عالصفا نفسي ادعبس عالوفا نفسي آلاقي قلوب تساندني وقت الجفا
نفسي ادعبس عن طفولتي نفسي ادعبس عن براءتي
نفسي ادعبس عالسكون
نفسي ادعبس عالقناعة نفسي أكتّر في العبادة، نفسي ارجع تاني زي زمان
نفسي ادعبس عالبساطة نفسي ارجع طفلة ما تعرفش غير السعادة
نفسي ادعبس عابتسامتي اللى كانت طالعة من جوا قلبي
نفسي ادعبس عالحماس نفسي ادعبس عالاحساس نفسي آلاقي قلب مبنى بأساس
نفسي ادعبس عن مبادئ أصبحت متبعثرة هنا وهناك
نفسي آلاقي قلب صامد دون اهتزاز
نفسي ادعبس عن قلبي اللى كان عمران بالعطاء، نفسي ارجع احضنه من تاني بضلوعي
نفسي ادعبس عالإرادة اللى بيها كنت أقدر أعبر أى غارة
نفسي ادعبس عاليقين
نفسي ادعبس على طيبة أيام زمان طيبة صادقة مافيهاش مجاملة ولا حتى اصطناع
نفسي ادعبس عن نفسي جوا نفسي، نفسي آلاقيها لسه زي ما هيّا حرة وأبية لا غلبها شيطان ولا أسرتها دنيا
نفسي ادعبس عن نفسي جوا نفسي، نفسي ألاقيها صافية طاهرة زي ما خلقها ربي
نفسي ادعبس عالثقة نفسي ادعبس عالرضا
نفسي ادعبس عالإرادة، نفسي ادعبس عالعزيمة نفسي ادعبس عالطموح اللى بيه كنت طايرة في سماء النجاح
نفسي ادعبس عن غايتى اللى كانت محفورة في وجداني
نفسي ادعبس عالشجاعة، نفسي ادعبس عالحرية، نفسي آلاقي عزيمة حديدية مهما مر عليها الوقت مش ممكن تنام
نفسي ادعبس عالمهارة، نفسي ادعبس عالبراعة، نفسي ادعبس عالنجاح
نفسي ادعبس عالتفاؤل، نفسي ادعبس عالبشاشة، نفسي آلاقي الأمل اللى عمره مافارقني لحظة واللى بيه كنت بخرج من كل أزمة
نفسي ادعبس عالتشجيع، نفسي ادعبس عالإحتواء، نفسي ادعبس عن دعم النجاح نفسي آلاقينى من تاني
نفسي ادعبس عن عقل كان متفتح، عقل كان بيقيل أى آخر، عقل كان مايهموش المظاهر
نفسي ادعبس عالفضيلة نفسي ادعبس عالعزيمة نفسي آلاقينى زى ما كنت أيام الطفولة
نفسي ادعبس عن قلب مليان بحب الخير قلب فرحان لأى غير
نفسي ادعبس عني أنا نفسي آلاقي اللى راح مني هنا
نفسي ادعبس جوا نفسي واغسل كل شيء بداخلي
سلمى ساجدة للرحمان
قرأت كلامك فأصبت قلبي بجد و عيني دمعت
ردحذفساعات بنحس بالاحساس دا أننا نفسنا ندعبس
بأشياء كثيره
نفسنا ونفسنا ونفسنا ........
سلمت يمناكي أميره
رائعه تلك الكلمات
ردحذف(والذين جاهدوا فينا لنهديهم سبلنا)
مهما بحثتى فلسوفى تصلين الى مبتغاكى اذا
اخلصتى
عقدتى النيه لله وحده
ربنا ما يجعل فتور الهمه من نصيبك
مدونه جميله
ادعوكى الى مدونتى المتواضعه
واستأذنك فى اضافه مدونتك
الغاردينا بعد كل فترة طويله من الحياة الواحد بيحتاج يعيد تقييم نفسه وأداءة اكتسب ايه خلال رحلته وخسر ايه المؤلم جدااا لما نكتشف الخسارة
ردحذفساعتها بنبقى زى ما قلتى بيبقى نفسنا ونفسنا ونفسنا...
محمود: اللهم آآآمين، اسم مدونتك جميل عجبنى جدااا باحث عن حب وليس الحب وصلتلى معنى أرقى...طبعا ليا الشرف وسعدت جدااا بتشريفك المدونة
ردحذفسلمى
ردحذفما أجمل دعبساتك
وياليت الجميع يدعبس في نفسة .
تقبلي مروري
محمد البنا
دعبسى برحتك ايه اللى منعك
ردحذفمحمد البنا: جزاك الله خيرااا اسعدنى مرورك
ردحذفالعيسوى الصغير: أهلا بيك ومنور المدونة، أجمل شيء فى الوجود أن مافيش حد يقدر يمنعنا أننا ندعبس جوا نفسنا لكن احنا اللى ممكن نمنع نفسنا والحالة دى بتبقى قاتلة...ربنا يعافينا جميعا منها
ردحذفالسلام عليكم ورحمة الله وبركاته ..
ردحذفعنوان جميل لتدوينة أجمل تخالج أعماق النفس وتجعلنا نخرج لعالم أجمل ساحر .. قد يصبح حقيقة في يوم ما.
بارك الله فيك أختي في الله
وعليكِ السلام ورحمة الله وبركاته
ردحذفانتِ الأجمل أختى الفاضلة من قطراتك نتعلم دمتى بحب وسلام...
السلام عليكم
ردحذفربنا يكرمك وينولك كل اللي نفسك فيه
تحياتي
سلمى ازيك
ردحذفانا بعتذر انى مش جاى اعلق انا جاى ادعوكى للزيارة انى طارح سؤال ومحتاج ماركتكم
تحياتى
هيثم وعليك السلام ورحمة الله وبركاته
ردحذفاللهم آآآآآمين ولك بمثله جزاك الله خيرااا
عمرو أهلا بك دائمااا حمد لله على لاسلامة بعد طووول غياب...
ردحذف